** نبذه عن الشاعر :
هو : نواف منور الدريويش
الصابري العازمي
هو من مواليد 1970م
وتوفي عن عمر يناهز 37
في يوم الاربعاء الموافق 19_ 9_2007م
وكان اول ظهور له في ميدان المحاورة عام 86 م.
- وقد أخذ مكانة مرموقه بين عمالقة شعراء المحاوره
أمثال :
صياف الحربي - مستور العصيمي - رشيد الزلامي - مطلق الثبيتي
سلطان الهاجري- حبيب العازمي -ابن شايق - زيد بن سلمي
-عبدالله العير المطيري - عبدالله الميزاني-مساعد بن جبران - فيصل الرياحي
حمود البقمي - علي بلال اليامـي -مصلح بن عياد - تركي 2000
رجاالله الحربي - سفر الدغيلبي - ابو ناب - فلاح القرقاح
عبدالله الذيابي (( العمى )) - محمد بن طمحي - ملفي المورقي
محمد بن مشيط - ذيب الشمري - غازي الميموني
سعود العبدلي - الشمالي المري - سعود الزعبي .
وغيرهم الكثير .
--------------------------------------------------------------------------------
** قصائد الشاعر رحمه الله :
--------------------------------------------------------------------------------
(( 1 ))
يانفس طاوعتك امـرار وتراديـد
واليا بغيت لـك طريـق مشيتـه
امشي بشفك ما حسبت المناقيـد
مانام ليل ولازمـك مـا قضيتـه
واليا طلبتي شي من دون تحديـد
بالجـاه والا بالدراهـم شريـتـه
مدللك عـن منتـك زيـد وعبيـد
وابوي مثل رضاي لك ما رضيته
بقيت في حكمك كما العبد للسيـد
ماشي ورايك ماذكر اني عصيتـه
ابي الخلاص وياخذ الامر ويزيـد
ان طعت لامرك كل ليـل سريتـه
اثرك عدوه ما ورى تبعتـك فيـد
غدرك تبين لي وانا مـا هقيتـه
ما شفت منك الا مشاكل وتنكيـد
وقطع المصالح والتعب كمبليتـه
والنفس مثل الورع تفطم عن الديد
وعزالله انـي تـو طبـك لقيتـه
الصبر سويته مع العزم لـك قيـد
والله يساعدني على مـا نويتـه
--------------------------------------------------------------------------------
(( 2 ))
جيتـه وبلغتـه بـكـل الحقـايـق
وقلت الله الله فيك مغـرم ومفتـون
ولازلت أحاول بـك بكـل الطرايـق
وانا حذر مـاودي النـاس يـدرون
وعندي على حبي جميـع الوثايـق
أطلب وانا جاهز وحاظـر وممنـون
أضحك وأنا فينـي تشـب الحرايـق
زودٍ على مابي من إلهـود وطعـون
من عذرك اللي صار ماهـوب لايـق
أبغاك عون وصرت بالعكس فرعون
الحقت جـرح العـام الأول لحايـق
بحرج أظروف الوقت عني تصـدون
جيت أبتسم وأضحك ورحت أمتضايق
والله ماحسبها تجـي منـك هلـون
ون سهـل الله ياحمـام الحـدايـق
أبتقاضـى منـك وبليـس ملعـون
--------------------------------------------------------------------------------
(( 3 ))
ماني الوحيد الي خواله عمامـه
لاكن بليا عم جالـي ولـد عـم
سلمت منها لـو مالـي سلامـه
الرجل من هول الزمـان أيتعلـم
وطيبٍ لمن لايستحقـه رخامـه
مثل الذي لاقال ألـه قـول ماتـم
والبحر لـولا غبتـه واللتطامـه
ماصار له هيبه ولا صار له جـم
والناس لو تدري بهول القيامـه
ماشفت قطع الوصل باللحم والدم
وبنيٍ بلا ساسٍ سريـعٍ هدامـه
لازم تبيـن خلـتـه ويتـهـدم
ولـون بوجيـه الأوادم علامـه
يعرفبها واف الخصايل من الـرم
ماكان يخدعـك الهبـود بكلامـه
ثم قلـت ياطيـب الولـد لاتكلـم
بالهرج أشد من الهلالي سلامـه
وعلى الصحن قدم الضيوف أيتقدم
زاح الصحن يمه وقـرب يدامـه
سما وكل لوكـان ماقلتلـه سـم
والرجل مهما كان يرفـع مقامـه
والخير كمن خص والشر كم عـم
من يحترم نفسه يزيـد أحترامـه
ويشاف بالعين الجليله ويحشـم
بس الخمامه غصب يبقى خمامه
يحكم عليه الوقت والناس تحكـم
لو لبس من غالي العمايم أعمامه
سرجٍ على ثورن ثبـارن معمعـم
لاكبر راس الثور يكبـر سنامـه
الحصن تفهق والكديـش أيتقـدم
والعد حول فـوق جالـه مقامـه
أقرش من الطي الرفيع وتصـرم
ويين الشجيع اللي يجود أحزامـه
اللي جويـدٍ محزمـه ويتحيـزم
لاكن عسى حسن العمل هو ختامه
الله يغفـر ذنبنـا ثـم يـرحـم
قدر شراب الأدمي مـع طعامـه
هـذا مـحلله وهــذا مـحـرم
أعوذ به عن كل ظلـم وظلامـه
وعن حوبة المظلوم وشرار ظالم
وعلى النبي صلاة ربـي ختامـه
محمد عليه اللهم صلـي وسلـم
--------------------------------------------------------------------------------
(( 4 ))
ودك يصير الرجل عـراف وفهيـم
مايقول داري وهـو ماهـوب داري
واليا نشد عن شي يستخدم الميـم
ماشفت ماعينـت مـالاح طـاري
والطيب من بين النشامـا مقاسيـم
اللي عليهن حمل واللـي عـواري
لاكن قـل المـال للرجـل تحطيـم
لوكـان يطريلـه ثمانيـن طـاري
عشقٍ طلع في وادي الهيـم للهيـم
دربي يمين ونبت عشبـه يسـاري
ومن صارله حاجه ورى برطم شريم
ينزل لرغباتـه نـزول أضطـراري
ويحطلـه طيـبٍ مزيـف وترهيـم
معى تحدث فـي سلـوكٍ حظـاري
ماهـو عشانـه يفـك المجاهـيـم
له حصـتٍ فالأهلـي ولا التجـاري
وقتٍ تغير فيـه بعـض المفاهيـم
فيه العدو مثل الصديـق المبـاري
وقل الصحيح وقايله وصـح يانيـم
وساد الكلام اللي من الصح عـاري
ألا ويصحب كلمـة الحـق تعتيـم
فعلا وأنا سامـع وشايـف وقـاري
لكن عزيز النفس مايقبـل الضيـم
ماني على الدون والـدون ضـاري
ولبغى من الناقص حفاوه وتكريـم
لوصرت في بعض الأمور أنتحـاري
أجزع كما تجزع حـرارٍ صواريـم
والخوف ماطول عمـار الحبـاري
للكـل مـقـدارٍ وللـكـل تقيـيـم
ولاني لعميـان البصيـره مـداري
للأسئلـه ياسيـن للأجوبـه جيـم
هـذاك ذاك وذاك ذيـب الـغـداري
وعلى الرسول أفضل صلاةٍ وتسليم
شهـادتٍ لله تشـهـد أجـهـاري
--------------------------------------------------------------------------------
(( 5 ))
الله من قلب همومـه غـدت بـه
مثل الهبوب اليا غدت فالقراطيس
من بين هدفات الظلوع انتحت به
وعزي لمن كثرت عليه الهواجيس
ان نمت من بين الحشى غادرت به
بحلوم ليـل تلتجيهـا كوابيـس
وعلى محيطات البحور احذفت به
وامسي بجم ما تجيه الغواطيـس
اهموم قلبي حبته واسكنـت بـه
بنت لها بنـي مثبـت بتاسيـس
على عشير الي بعـد قربـت بـه
ابعد لياهو بعـد لنـدن وباريـس
ما قربت سود الليالي غـدت بـه
واقفت بغض العود زين الملابيس
شمل الهوى من بيننا شتـت بـه
وردت يديني من عشيري مفاليس
جسم نحل وانهار ما فكـرت بـه
ولا حسها مثلي عليها حواسيـس
اسهر وسهري كنها ما درت بـه
يجهل عناي ابو العيون النواعيس
مدري كلام اهل الحسد صدقت بـه
اهل الحظوظ الراديات الهلابيـس
نفاقهم يوم اهرجـوه اقنعـت بـه
اللي ورى سلم المحبه جواسيـس
او رايها من عندهـا قـررت بـه
مدري تبي تكسب بهجري نواميس
--------------------------------------------------------------------------------
(( 6 ))
الزيـن ياسعـود مشغولـن تلفونـه
والظاهر انه بعد ياسعـود عطلانـي
أدق عشريـن مـرّه مـا يشيلونـه
ياسعود ماكن وسط البيـت عربانـي
رحت أتنشد عنـه ناسـن يعرفونـه
قالوا عشيـرك لقالـه واحـد ثانـي
قلت الله أكبر ماصدق مـا تقولونـه
ماهوب حقن لطيف الـروح ينسانـي
دقيت في شارعـه رمـزن يعرفونـه
وصدفه طلع لي وهو ضايق وزعلاني
وقلت أنت وشفيك وجهك مختلف لونه
بالله وش مزعلـك يااعـز خـلانـي
قال انزعج كـن بيتـي مـا تدلونـه
سيّر على البيت لو تنشد عن اخواني
ماهـوب لازم تلفـونـي تدقـونـه
لابد تنشـد مـادام الخـط عطلانـي
ياسعود علمتهـا بهرجـن يقولونـه
وياسعود علمتها فـي كـل ماجانـي
قال الحسد طبع ناسـن مـا يخلونـه
وشلون تصدق لعدوانـك وعدوانـي
شرّع لي البـاب العالـم يشوفونـه
نسى المذله بعـد عمـري وجدّأنـي
وسولفت والكابرس يمشي على هونه
مع التقاطع ورى اشـارات خيطانـي
--------------------------------------------------------------------------------
(( 7 ))
ياخذني الطـاري ليـا ذعـذع النـود
والامـر مـن رب العبـاد استـمـده
واقـول ياقلـب مـن الـود ملـهـود
هـرج تحـس انـه يضايقـك بــده
الارض قاع وفوقهـا بـرق ورعـود
ونزل السما ماله عـن الارض صـده
والسيل جرحه يبعـث زهـور واورود
لاتقول عقـب الجـرح مابـه مـوده
انتـه ربيـع القلـب ياناعـم العـود
لـو ان قلـب تاخـذه مــا تــرده
ماتشوف قلبي بيـن اياديـك مولـود
وقلبـك بلشنـا بيـن مزحـه وجـده
ماترحم اللي جرحـه عيونـك السـود
ومخفـي جرحـه عـن النـاس مـده
وانا صبـر وكـل صبـر لـه حـدود
واخر قـراري حاجـز الصمـت اهـده
واقع ولي فالصمت غايـه ومقصـود
والصدق سيف يقطع ((الفطـر)) حـده
طالت مشاويـري وطـال العنـا زود
من الكويت اسـري واصابـح بجـده
يمشي قدم رجلي على الهون والكـود
واثبـت براهيـن الـمـوده بـشـده
واليا طلبت شهـود جبنالـك شهـود
انـي مسافـر بـيـن روحــه ورده
احيان مثل اللي ورى السـرب مـردود
ضامي ودون السرب جـا مـن يـرده
واحيان اقول اني من العقـل مجـرود
البحر ما افـرق بيـن جـزره ومـده
ومن طبعي اخشى هرج حاسد ومحسود
وماحب من يبدي على النـاس سـده
واحيان اقول الباب مغلـق ومسـدود
مع واحـد نـور القمـر مثـل خـده
واحيان اقول لنـا مواثيـق وعهـود
بينـي وبينـه جـا كــلام نـعـده
راع الهوى مابين صاحـي ومصلـود
لـو قــال يالله السـلامـه مــرده
واحيان اقول انـي مغربـل ومقـرود
عـرف عسـى تاليـه ربـي يصـده
لاشافـي قلبـي ولا حـاصـل فــود
لاواهـنـي مكـبـريـن الـمـخـده
--------------------------------------------------------------------------------
(( 8 ))
عقدن يحل وعقد ماهوب محلـول
تحير من دونـه جميـع الوسايـل
قالو يحل وقلت ماهـوب معقـول
الحل والله دونـه اليـاس حايـل
قالو علامك قلت طيـب ومعلـول
مشاكلـن تبغالهـا شـرح طايـل
قالو محبه قلـت حبيـت مجمـول
الحـب ماعيّـب شيـوخ القبايـل
قالو وش اسمه قلت ذا شي مجهول
اما اسكتم ولا علـى مانـي قايـل
قالم تقـول وقلـت عـزالله اقـول
لاواهنـي حايـل بسكـان حايـل
لاوكنت في جون خلا مابه الـزول
ترى الخلا طـب القلـوب العلايـل
--------------------------------------------------------------------------------
(( 9 ))
لا واهنيك باالغلا وانـت ضـدي
وشلون لونك بصفي على طـول
ماهو بودي يـوم امـر امتعـدي
والله من اللي بيني وبينك يحول
اخاف من نظرة اعيونـن تلـدي
ومطالعات احويل بعيونه الحـول
بيني وبين اسرار حبـي تحـدي
الين صار الطبع والطبع ميـزول
محدن درى عني ولابـاح سـدي
وواواصل الغارات واصول واجول
واطوي مسافة خايعن مجرهـدي
واقضي اشغالي وانا معك مشغول
ومعلي اللي يجيب الكلام ويودي
لاجبتلك سيره ولاارسلت مرسول
ان مر زولك دايم اغضي واصدي
وانا بقلبـي ياحبيبـي يهـازول
يابو جديلن فـوق متنـه يكـدي
جميل من كل النواحي ومجمـول
عذبتني والحـال صـار متـردي
تراك عن ماصار باالحال مسؤول
جحدت حبك لين بيحـت سـدي
واليوم ابشرح ماحصلي وابقـول
صبرت يالبين العن جـد جـدي
لقيت بعض الصبر ماهوب معقول
ونصرت قدك باالغلا وانت قـدي
لو قالو العـذال اباقـول يحـول
والله مدري مـن عليـه اببـدي
ماله وجود ولغز ماهوب محلول
--------------------------------------------------------------------------------
(( 10 ))
فقدنا قليلين الحيـا مابقـا كـود انـت
شريدتهم انت الله يشيلك عـن الديـره
على شذبت المقفي وسب الرفيق ادمنت
تعذرب بهرجك طيب العـرف والسيـره
تخوجل بمنطوقـك تدلـع تدلـع بنـت
وقالولي انك تستشيـر اختـك منيـره
بوقت السعه شاعر وفاهم وكنت وكنـت
وبااللازمـه جـون تطـارد معاصيـره
يغرك كلامي يوم اقوللك نوب احسنـت
وانا اطفيبها اعيون اهل الحقد والغيـره
انا مستعد انـي لـردك مثـل ماكنـت
على اسمك ووسمك مع هل البر والديره
ترى العلم الاخر كان شان الزمان وشنت
ترى علمك اللي تذكره مايحصل غيـره
اذا اوعدت ماتافي ندورك ماعينـت
معايير وانته وش تبي غيـر هاالعيـره
وانا صح عن بعض الطواريق قد دينت
واذا اذنبت فيك الذنـب تقفـاه تكفيـره
ليست هناك تعليقات:
إرسال تعليق