العوازم لشاعر نواف منور العازمي

اببدي باسم ربي عد ما هبت هبوب النود
عظيم الشان ربٍ يبتدي به واحدٍ بادي”
علي سنة محمد لين يجري يومنا الموعود
علي سنة رسول الله نسير وربنا الهادي”
حماة الدين وكعام المعادي طيبين جدود
نضد اللي يعادينا وعز اللي يجي بادي”
اليا سارت خطانا ننتصر والله هو المعبود
عدو الدين نسقيه المرار وسم الاكبادي
عوازم فعلنا عند اللزوم يشيب المولود
لنا تاريخ من يوم العرب في حرب وجهادي”
مصالين الحرايب والقبايل ما عليها زود
لنا في ماضي الازمان مصدارٍ وميرادي
هزمنا ما نهزمنا يوم راس العود حك العود
يعلمك الحقايق واحدٍ ما هو بجحادي
عزيزين النفوس اهل الحميه والنقا مجرود
اهل نخوة نظيفين النوايا ساس الاجوادي
فعايلنا على عز ومعزة ما بها منقود
بعيدينٍ عن المنقود للمنقود نقادي”
محازمنا اليا شان الزمان الملح والبارود
على عرف وبصيره نعرف المدل والغادي
فعايلنا دلايلها نثبتها بسبع اشهود
عما عين الحريب ولا نخون الملح والزادي
ادافع بالدلايل عند حدي ما قطعت حدود
ومن يظلم يقال انه ظلوم وحظه الرادي
عوازم من هوازن والعرب تاريخها موجود
اصيلين النسب تاريخنا هجري وميلادي
يقول العازمي هرج الصحيح وشاهده موجود
شهود الفعل سبع شهود والله خير شهادي”
اقول الحق لاهل الحق لا ظالم ولا محدود
حقيقه والحقيقه قلتها ما حدني حادي
اماري وافتخر بفعال ربعي من شباب وعود
بدون اقصور في حق القبايل جمع وافرادي
علي عز ومعزه يا هوازن والصدور اورود
ولاني عن قليل العرف والمعروف نشادي
وتمت واذكر الله ربنا الخالق هو المعبود
عظيم الشان ذكره ينتهيبه واحد بادي
'
لشاعرها : نواف بن منور العازمي ، 🌹”